Video
Read full review
2025-07-18
399 views
2018 年第一次喺香港食 Omakase，選擇咗位於銅鑼灣嘅鮨森 Sushi Mori （已結業），當年廚師發辦仲未咁普遍。事隔 7 年香港嘅高級日式料理百花齊放，一時間開咗好多新店，又有好多老牌悄然褪去，可以留低嘅都有一定水準。最近喺同一個位置發現重房，將傳統廚師發辦融入現代 Fusion 創意，最適合追求新鮮感同變化嘅朋友 😼❀ Omakase｜$1580店內不提供菜單，視乎當日新鮮食材打造出 17 - 18 品，師傅會清楚講解每一道菜做法，主動觀察客人食嘢進度同偏好（例如飯量、食唔食某啲配料），互動性強令成個體驗更加分 ✨⋄ 前菜⋄ 蟹肉伴以滑溜水雲，柚子醋微酸開胃；煮過嘅螺肉依然彈牙。⋄ 刺身⋄北海道仙鳳趾生蠔 - 來自札幌東海岸線，以青海藻醋啫喱調味，蠔肉肥厚清爽 🦪 師傅特別推薦加紫蘇花一齊食，味道更突出。北海道牡丹蝦 - 夢幻組合 🫧 刺身入面一向最鍾意食蝦，口感糯甜嘅牡丹蝦伴以蝦膏及夢王蛋黃，令人回味無窮 🧡磯煮鮑魚 - 手掌咁大隻嘅鮑魚口感柔嫩，加上肝醬更鮮味，同煮嘅蘿蔔清甜入味，綴以清脆茗荷，類似洋蔥口感好特別。鮟鱇魚肝 - 見到咁大嚿有啲緊張、因為鮟鱇魚乾通常食
❀ Omakase｜$1580
店內不提供菜單，視乎當日新鮮食材打造出 17 - 18 品，師傅會清楚講解每一道菜做法，主動觀察客人食嘢進度同偏好（例如飯量、食唔食某啲配料），互動性強令成個體驗更加分 ✨
⋄ 前菜⋄
蟹肉伴以滑溜水雲，柚子醋微酸開胃；煮過嘅螺肉依然彈牙。
⋄ 刺身⋄
北海道仙鳳趾生蠔 - 來自札幌東海岸線，以青海藻醋啫喱調味，蠔肉肥厚清爽 🦪 師傅特別推薦加紫蘇花一齊食，味道更突出。
北海道牡丹蝦 - 夢幻組合 🫧 刺身入面一向最鍾意食蝦，口感糯甜嘅牡丹蝦伴以蝦膏及夢王蛋黃，令人回味無窮 🧡
磯煮鮑魚 - 手掌咁大隻嘅鮑魚口感柔嫩，加上肝醬更鮮味，同煮嘅蘿蔔清甜入味，綴以清脆茗荷，類似洋蔥口感好特別。
鮟鱇魚肝 - 見到咁大嚿有啲緊張、因為鮟鱇魚乾通常食多咗都好漏 😳 以銀鱈魚乾墊底甜甜哋又無負擔，並於魚肝醬中混入黃蘿蔔碎增加口感，結果意外地和諧，欣賞師傅巧思。
拖羅生死戀 (?) - 小尷的名字 🤣 魚味濃郁嘅鳥取吞拿魚，將一片拖羅進行火炙，另一片則選用赤身部位，用紫菜及紫蘇葉夾起，再以蜆仔製成嘅淺利鹽提鮮，平時幾抗拒紫蘇葉但咁整係夾嘅。
⋄ 壽司 ⋄
可以隨時同師傅講調較飯量，壽司部分唔逐一介紹啦，講幾款最得我歡心嘅。
石鯛 - 來自沖繩、鹿兒島之間水域，白身魚比較清淡，自家製蒜粒醬油炸蒜香口，提升口感
鰝鰺魚 - 一般會以清淡白身魚開場，爽口
海膽手卷 - 用上馬糞海膽及紫海膽，前者 Creamy 鮮甜、後者結實回甘，一口兩種享受
白櫻鱒 - 未食過嘅稀有品種，「白三文魚」具細膩拖羅口感，師傅用網燒做法將皮下脂肪激發減少油膩感
燒吞拿魚腦天係魚眼對上一條幼細的肉，非常稀有嘅部位，肉質綿滑入口即融，油花四濺。魚湯用三十種魚熬煮七小時，全靠天然鮮味，白胡椒重手飲完暖粒粒（朋友唔食茜同菇所以畀晒我 hahaa 🤣)
最後以香甜多汁嘅巨峰葡萄作結，滿足嘅一餐 🍇
Post
