Read full review
2008-06-02
13 views
師傅見今日悶悶地, 於是決定由灣仔行去銅鑼灣順便食個午膳, 但就漫無目的地行, 終於行到黎呢間食店面前, 諗左三秒決定入去試下, 因為師傅從來都未黎過!入到去唔算好多人, 可能係時間尚早嘅關係啦, 伙計安排坐底後, 跟住就放低杯清茶! 好, 睇下有咩好食先, 睇睇下師傅都有d三心兩意咁, 最後都係決定係食燒味飯, 因為呢間食店叫做燒味連鎖店, 所以冇理由唔試, 於是就柯打左個叉燒飯同凍檸檬茶!於是喺等嘅過程中, 師傅覺得有d口渴, 所以想飲啖清茶, 點知一攞起隻杯, 準備放入口時, 師傅聞到好重漂水味, 前後將呢個動作做左兩次, 最後都係放棄, 咁重漂水味點飲呀?一息間叉燒飯就放左喺師傅面前, 其實喺落單前, 師傅見到佢個餐牌上有個溫馨提示, 就係如需多飯, 佢地係可以比多d你嘅, 撞啱今日師傅鬼咁肚餓, 所以都要多飯; 點知一放底個叉燒飯, 師傅就發覺原來要求多飯都係得咁少, 如果唔叫佢多飯, 好可能真係唔夠食喎! 先試下個叉燒, 叉燒係半肥瘦, 有蜜味, 甜甜地加上肉質夠鬆, 都幾好味; 白飯配佢嘅豉油汁都叫可以, 因為豉油汁唔算太咸, 甜甜地都幾好味; 凍檸檬茶都算大杯, 茶味都
入到去唔算好多人, 可能係時間尚早嘅關係啦, 伙計安排坐底後, 跟住就放低杯清茶! 好, 睇下有咩好食先, 睇睇下師傅都有d三心兩意咁, 最後都係決定係食燒味飯, 因為呢間食店叫做燒味連鎖店, 所以冇理由唔試, 於是就柯打左個叉燒飯同凍檸檬茶!
於是喺等嘅過程中, 師傅覺得有d口渴, 所以想飲啖清茶, 點知一攞起隻杯, 準備放入口時, 師傅聞到好重漂水味, 前後將呢個動作做左兩次, 最後都係放棄, 咁重漂水味點飲呀?
一息間叉燒飯就放左喺師傅面前, 其實喺落單前, 師傅見到佢個餐牌上有個溫馨提示, 就係如需多飯, 佢地係可以比多d你嘅, 撞啱今日師傅鬼咁肚餓, 所以都要多飯; 點知一放底個叉燒飯, 師傅就發覺原來要求多飯都係得咁少, 如果唔叫佢多飯, 好可能真係唔夠食喎! 先試下個叉燒, 叉燒係半肥瘦, 有蜜味, 甜甜地加上肉質夠鬆, 都幾好味; 白飯配佢嘅豉油汁都叫可以, 因為豉油汁唔算太咸, 甜甜地都幾好味; 凍檸檬茶都算大杯, 茶味都算幾夠, 不過甜左少少, 可以啦!
總括黎講叉燒飯嘅質素絕對可以接受, 而環境都幾舒服, 加上冷氣充足, 唔會食到身水身汗, 服務都幾友善, 至於價錢就偏貴, 單拼飯餐都要四十一蚊, 如要雙拼就要四十四蚊, 凍飲仲要加三蚊添, 都咪話唔貴? 仲要個份量唔算多, 所以師傅覺得唔抵食! 試過一次之後, 師傅喺度諗莫非呢間食店吊高黎賣? 莫非似住係集團? 莫非似住係銅鑼灣區? 試過一次之後, 相信冇咩必要唔會再黎, 皆因到呢一刻師傅仲覺得好唔抵食, 好肉赤呀!
Post
