八幡屋日本料理 (Closed)

前排同朋友嘅聚會去咗八幡屋食放題~ 餐廳唔算大，地方一眼睇晒~ 我地5:30pm入座，冇乜人 haha坐低之後即刻叫咗刺身拼盤~ 可能期望太高，所以同現實有d落差~ 除咗三文魚之外，其他刺身都比較迷你，但味道新鮮度係ok嘅 (三文魚同蝦好味)，所以叫咗兩轉~ 當然都有叫壽司，都好味嘅~刺身壽司之外，其他熟食就一般般冇乜驚喜~ 除咗個蟹粥，個粥幾鮮味 我地4個人share一鍋仔，每人食到一小碗，所以要叫多鍋先夠喉 haha值得一提嘅係，有訂座優惠可以免費揀一樣指定嘅食物，我地全部都揀咗生蠔，好~好~味! 可惜佢係升級食物，放題要加錢先有得叫~ 如果大家都係訂座真係推薦揀生蠔~~