Video
Read full review
2007-09-04
3 views
就快要去英國一年的朋友想請我食生日飯, 不過正日0個日佢已經離開0左香港, 就今晚提早慶祝. 對上一次食buffet 0係6 月美麗華商場Todai, 食到「媽媽聲」, 決定以後都係淨食hotel 0個d... 今次揀呢度, 除0左因為未食過, 阿爸阿媽又推介, 有Entree Club 會籍, 平好多, 亦因為原本諗住去的Marriott d 服務態度太惡劣, 打電話去book 檯好似去乞食咁, 呢度的就相反, 非常有禮貌=P0野食款式唔算好多, 不過質素唔錯喎:- 圖a): 生蠔好得, 食落鮮甜肥美! 青口比生蠔遜色, 不過簡簡單單的海水味道已經好好味. 海螺一般, 無乜味. 長腳蟹肉質幾結實, 味道亦鮮美. 令人滿意0既海鮮冷盤!- 圖b): 刺身係要師傅幫你切的, 要了三文魚及一種半透明呈粉紅色0既魚生, 我估係油甘魚... 師傅手勢都算唔錯, 不過d 三文魚唔知點解睇見佢愈切愈大片, 其中一片大得似pair 牌咁@_@" 味道都唔錯, 不過切到咁大, 真係太誇張. 油甘魚肉質爽口, 魚味比三文魚重, 唔錯. 壽司方面我淨係食了半生熟(?) 蝦同(素?) 鮑魚
0野食款式唔算好多, 不過質素唔錯喎:
- 圖a): 生蠔好得, 食落鮮甜肥美! 青口比生蠔遜色, 不過簡簡單單的海水味道已經好好味. 海螺一般, 無乜味. 長腳蟹肉質幾結實, 味道亦鮮美. 令人滿意0既海鮮冷盤!
- 圖b): 刺身係要師傅幫你切的, 要了三文魚及一種半透明呈粉紅色0既魚生, 我估係油甘魚... 師傅手勢都算唔錯, 不過d 三文魚唔知點解睇見佢愈切愈大片, 其中一片大得似pair 牌咁@_@" 味道都唔錯, 不過切到咁大, 真係太誇張. 油甘魚肉質爽口, 魚味比三文魚重, 唔錯. 壽司方面我淨係食了半生熟(?) 蝦同(素?) 鮑魚, 幾開心舊飯入面有wasabi, size 亦適中, 唔似得出面有d 迴轉壽司店, 舊飯大得可以要0黎塞住你把口=P 另外仲有Parma ham + 哈密瓜, Parma ham 又鹹又重油香, 捲埋哈密瓜一齊食, 非常得.
- 西式頭盤有好多款式... 有個牛脷蟹肉卷之類的東西非常掂, 清清0地又不失蟹肉鮮味, 推介! 仲試了幾款好酸的appetizer, 如豉油黑醋(?) 火龍果帶子, 有d 拌了薑茸0既中華沙律墊底, 味道好複雜好刺激, 都幾得意; 香橙墨魚沙律甜甜0地, 墨魚條幾韌, 墨魚味就幾香. 另外仲有隻唔知乜0野rare tuna, 有d 酸汁同pickles 墊底, 創意搭夠不過個人唔多鍾意.
- 圖e) 的燒牛肉則好睇而唔多好食, 下次應該叫師傅切薄d... 肉汁一般多, 幾韌, 有唔少筋. Seafood risotto 我亦試了一啖, 味道不過不失.
- 龍蝦海鮮湯就有少少失望, 味道唔多夠濃, 好似唔多夠酒味咁.
- 圖c) 的chocolate fountain 最受小朋友歡迎, 個人亦覺得係dessert table 最吸引的地方... d 朱古力好好食, 好濃cacao 味又唔會好甜(是dark chocolate 吧?), 蘸cream puff 同士多啤梨一樣咁好食!
- 圖d) 的caramel souffle 新鮮整起好香好熱好fluffy, 好香甜, 食完好似無食(一陣風的口感), 令人想一試再試!
- Maple pumpkin creme brulee: 美中不足面頭層焦糖唔係新鮮燒落去, 不過整體依然十分好食, 原來落了pumpkin 味道會豐富0左咁多!
- 圖f) 的vanilla + caramel layers 同pistachio panna cotta 就好睇唔好食, 兩樣0野都太甜了, 食了兩啖我已經食唔到落去.
- Chocolate tiramisu: 其實係一大個chocolate mousse 「塔」入面包住少少tiramisu, 無驚喜, 味道都ok 啦.
- Haagen Daz vanilla ice cream: 加了almond 碎片, 味道豐富0左唔少. 雪糕好香滑!
環境ok, 裝修較「潮」不過靜靜0地,都幾舒服; service 好好, 個個都好有禮貌, 呢d 先係5-star hotel 應有0既服務質素, 絕對唔似得Marriot 0個d 「茶記」態度!
埋單只係$200 一個頭, 非常抵食, 以後再想食buffet 的話會考慮返0黎!
Post
