花椒子 (Closed)

對鍾意食辣嘅朋友，呢間位於旺角嘅「花椒子」Peppercorn都係一個幾好嘅選擇，單係「辣」都有幾多款式，例如川辣、湘辣(湖南)、泡椒、水煮魚，以及微辣嘅酸菜魚等等。用手機落單，部份菜式可選少鹽/少油，減低罪惡感，但好似無得選辣度/加辣，而呢度嘅湘辣/泡椒/川辣對我而言都係小辣至BB辣度，唔知寫落備註能否加辣，雖然味道唔錯，但食開大辣的我略微唔夠喉。牛油果鮮奶 ($34): 本來以為係奶昔，但原來都係沙冰。質感冰爽奶滑，帶淡牛油果香，亦唔會太甜，幾好飲。湖南辣椒炒雞 ($198): 雞件本身都有醃過，其實整體上同麻辣雞煲差唔多，只不過係用左大量湖南青辣椒，食起上黎更為香辣。呢款青辣椒只係小辣，所以青辣椒連籽一齊食都無咩野，幾香口惹味，但建議自行炒耐少少，逼出辣椒嘅香氣。飄香酸菜鱸魚片 ($138/細): 酸辣並重，湯汁夠濃郁。魚片則採用鱸魚片，爽滑彈牙，無overcooked，又夠厚肉，最重要係新鮮無腥味。湘味串串 ($148): 一個價錢，兩款味道，分別係麻辣及泡椒，各有特色，辣度屬小辣至中辣之間，而每邊嘅配料都係一樣，包括鮑魚、毛肚、鵪鶉蛋、八爪魚仔及篙荀片等，價錢合理，亦夠香辣惹