Video
Read full review
2014-11-24
1493 views
見呢間西餐廳新開冇耐，在觀塘工業區呢個茶記當道的地方竟然有得食All Day Breakfast，諗住不妨一試，怎料竟然係惡夢的開始。平時觀塘lunch hour搵地方食飯都唔係易，可能呢間餐廳價錢相對較貴，所以一黎就有位。我一坐底，二話不說就叫左個Parma Ham Egg Benedict，一來係我最愛，二來寫住話係廚師推介，咁咪試下囉。等左十幾分鐘，Egg Benedict送到，我一睇，即刻大叫一聲。哇！隻蛋仲熟過滷水蛋！仲有，d cream出哂界，個賣相仲衰過麥記d漢堡包！Parma ham薄過Okomoto 0.03不在話下。我同個侍應講，我呢件野唔係egg benedict，最多只可以叫腿蛋治，我要換過件。結果，我後悔了。由於客人開始多，廚房明顯做唔切，隔離檯的客人都等到媽媽聲。等左大半個鐘，催左無限次之後，終於換比我。可惜，新的除左隻滷水蛋冇咁熟，其它依舊一樣。好在公司寬泓大量，遲少少番去都冇乜所謂。埋單之後，佢比左張coupon我，叫我下次再幫襯。作為一個gentleman，我小心翼翼地把coupon放回碟上，並配以沙律菜點綴，婉拒了待侍應小姐的好意。其實一間餐廳新開張
平時觀塘lunch hour搵地方食飯都唔係易，可能呢間餐廳價錢相對較貴，所以一黎就有位。我一坐底，二話不說就叫左個Parma Ham Egg Benedict，一來係我最愛，二來寫住話係廚師推介，咁咪試下囉。等左十幾分鐘，Egg Benedict送到，我一睇，即刻大叫一聲。
哇！隻蛋仲熟過滷水蛋！仲有，d cream出哂界，個賣相仲衰過麥記d漢堡包！Parma ham薄過Okomoto 0.03不在話下。我同個侍應講，我呢件野唔係egg benedict，最多只可以叫腿蛋治，我要換過件。
結果，我後悔了。
由於客人開始多，廚房明顯做唔切，隔離檯的客人都等到媽媽聲。等左大半個鐘，催左無限次之後，終於換比我。可惜，新的除左隻滷水蛋冇咁熟，其它依舊一樣。好在公司寬泓大量，遲少少番去都冇乜所謂。
埋單之後，佢比左張coupon我，叫我下次再幫襯。作為一個gentleman，我小心翼翼地把coupon放回碟上，並配以沙律菜點綴，婉拒了待侍應小姐的好意。
其實一間餐廳新開張，有些時間管理上的出錯是可以原諒的；但連一道自己標榜的所謂signature dish都做唔好，殆矣！
Post