Video
Read full review
2024-01-13
1120 views
今晚收工又去咗睇中醫，長沙灣荔枝角呢頭開咗個新嘅寵物友善商場，入邊都幾多特別嘢食。今晚揀咗呢間台式嘅嚟試吓，一入到嚟已經有一個寵物嘅打卡位，啱晒啲愛狗人士。順便一提佢呢度啲台式飲品都幾好飲，因為個茶底真係好清新，好香茶味。我哋每人嗌咗一個set，呢一個就兩個主食加一個冷盤，而每個套餐都會包埋一碗湯同埋味菜。而佢個湯係昆布蜆肉，所以好清甜。其中一個主食揀咗古早味坑肉，呢個真係超級入味，五花腩溫度夠晒腍，將啲汁撈埋嚟撈飯，真係好邪惡，但又超好食。另外一個係日式奶油燉菜，佢個味道似忌廉湯，加埋娃娃菜，其實個味道都幾夾。個冷盤嘅糖心蛋真係冇得輸，日本蛋本身已經夠晒甜，再加埋佢個糖心程度啱啱好，超正。另外一個set就有三個主菜，其實我覺得女仔嚟講應該兩個主菜就夠，因為我份量都真係好多。第一個主菜揀咗涼拌手撕雞，有少少辣辣地，因為加咗指天椒，不過因為手撕雞係用雞胸嘅關係，所以感覺雞肉比較老，但個調味係唔錯嘅。另一個係招牌腐乳鹽酥雞，不過我哋自己覺得佢個味道比較偏向似南乳，因為甜甜地。但係呢個鹽酥雞炸得好鬆脆，中間雞肉都仲係好滑好嫩，值得一試。最後一個係馬鈴薯燉牛肉，呢個就真係有啲失望，因為餐牌寫住
今晚揀咗呢間台式嘅嚟試吓，一入到嚟已經有一個寵物嘅打卡位，啱晒啲愛狗人士。順便一提佢呢度啲台式飲品都幾好飲，因為個茶底真係好清新，好香茶味。
我哋每人嗌咗一個set，呢一個就兩個主食加一個冷盤，而每個套餐都會包埋一碗湯同埋味菜。
而佢個湯係昆布蜆肉，所以好清甜。
其中一個主食揀咗古早味坑肉，呢個真係超級入味，五花腩溫度夠晒腍，將啲汁撈埋嚟撈飯，真係好邪惡，但又超好食。
另外一個係日式奶油燉菜，佢個味道似忌廉湯，加埋娃娃菜，其實個味道都幾夾。
個冷盤嘅糖心蛋真係冇得輸，日本蛋本身已經夠晒甜，再加埋佢個糖心程度啱啱好，超正。
另外一個set就有三個主菜，其實我覺得女仔嚟講應該兩個主菜就夠，因為我份量都真係好多。
第一個主菜揀咗涼拌手撕雞，有少少辣辣地，因為加咗指天椒，不過因為手撕雞係用雞胸嘅關係，所以感覺雞肉比較老，但個調味係唔錯嘅。
另一個係招牌腐乳鹽酥雞，不過我哋自己覺得佢個味道比較偏向似南乳，因為甜甜地。但係呢個鹽酥雞炸得好鬆脆，中間雞肉都仲係好滑好嫩，值得一試。
最後一個係馬鈴薯燉牛肉，呢個就真係有啲失望，因為餐牌寫住牛肉我哋以為係類似牛腩咁嘅部位，最後嚟到原來係肥牛，所以啲肉真係有啲老。不過值得一讚嘅係佢個馬鈴薯真係好入味，而且好甜。
以環境同食物質素嚟講，我覺得呢個價錢絕對物有所值，佢個空間都夠大，岩晒狗狗打卡。
Post
