18:00左右到達，客人不多 包括我只有兩位客人。
新鋪鋪面較細，店舖都有啲熱 亦只有室溫水提供。
Order左一碗<<濃厚蟹味豚骨拉麵>> $95
麵條多左有兩款粗幼度選擇 我選擇咗普通，普通即同舊鋪麵條粗幼一樣，偏粗、偏硬身、有咬口
筍偏軟身 冇揸 有麻油香
溏心蛋生熟程度還好，蛋黃輕微偏熟
叉燒肉質尚算軟熟，但以前舊鋪係用慢熟叉燒 肉質較呈紅色 較柔軟，新鋪不知是否已經無用慢煮，叉燒已經係全熟既色澤
，口感亦無舊鋪柔軟
最後湯底，蟹味依然重，但豬骨味、魚介味偏低，油脂感亦偏低 口感較薄弱。
