桔梗 (Closed)

台灣有間好出名既cafe 呢排係香港開左分店，就係旺角，地方好大。朋友之前去台灣都有食過，話好食，所以見香港有分店就叫我同佢去。去到真係有d驚訝，小見有咁大地方既台灣cafe開係香港，樓底好高，文青風既裝飾，2樓有桌球台，天台係Shisha Bar。地方真係好闊落，台又大張，坐係到食野好舒適。店員仲要係台灣人，用普通話點餐，好有去左台灣旅行既感覺。前菜既餐包都有2種醬汁，味道幾特別，酸中帶甜，味道清新。沙津醬偏酸，令人好開胃。薯條配香草醬，呢個醬甜甜地估唔到同薯條咁夾。墨魚汁海鮮，黑色幽默美乃滋，食落好香口，一碟黑麻麻地又幾搞笑，有魚同墨魚，唔知會夾到邊款黎食，都幾驚喜。烤蔬菜，有西蘭花同香菇，薯蓉既味道好正，好香滑。主菜risotto 叫左個水上芭蕾舞干貝繞圈圈，姐係干貝意大利飯，大大粒既干貝圍住隻溫泉蛋，真係夠貼切，餐廳改菜名好有心思。個飯奶油味好夠，飯既軟硬度岩岩好，配埋溫泉蛋真係一流。仲會跟2杯每日昔昔做飯後甜品，用乳酪同雜莓打成，上層既味道較酸，下層就較甜，兩者中和番，呢餐好滿足。