阿木台灣麵 (廣華街) (Closed)

今日見完客，終於有時間食lunch 啦，又係孤獨食，一定係食麵啦，經過見到台灣麵試業中，就試試佢。好，坐底睇下有咩好食先。紅燒牛肉牛筋麵，個麵好香，牛肉厚切，夠腍身，牛筋好粗，好似花膠甘款，食完感受到無限骨膠原，哈哈！麵底彈牙，個湯底又夠濃郁，店員有介紹呢個自家製麻辣醬，好香麻味，食落唔太辣，所以唔食得辣既都可以試。台灣小香腸，最特別係要夾住個蒜黎食，個蒜係乾身，食落係脆架，冇平時蒜頭又濕又搶喉既味，真係超好食，我怕口臭都要食晒佢！芝士岩鹽奶蓋炭燒烏龍茶，奶蓋咸咸地，芝士味濃，烏龍茶香，唔錯！