別忘了

Open Now

Now Closed

日日都很忙，想放鬆一下當然要食餐好的😆。朋友知道我鍾意食放題，就去咗荃灣別忘了食台式火鍋。店內裝修充滿旅行感覺，有很多櫻花樹🌸，好似置身於台灣陽明山睇櫻花一樣，打卡一流。連大廚都係從寶島請來的，加埋台灣食材，充滿台灣風味。今次食最吸引的Set D，有A5宮崎牛🇯🇵，肉脂比例完美，食落嫩滑又不油膩👍。仲有多款高級牛肉，包括美國 SRF 封門柳，有口感得來又有濃郁牛味。澳洲M9和牛脂肪較少，牛味適中。配合埋9款特色湯底，令味道更突出。湯底選擇了招牌台灣麻辣湯🌶同台灣香濃椰子雞湯🥥。2款都各有特色，麻辣湯香辣並重，辣度適中，連我唔食得辣都覺得惹味。香濃椰子雞湯有濃厚椰子味，清甜滋潤，2款湯底都很好。除咗火鍋任食，仲有多款台式小食，好似鹽酥雞、花枝丸、甜不辣、香腸及台南府城蝦捲🍤等。仲另加月見牛滷飯，係用宮崎牛及美國 SRF 牛肉，加上日本九州大分縣出產的 「蘭王蛋」蛋黃，造成的台式滷肉飯，食落比普通滷肉飯更香。最後唔少得台式甜品同飲品，我特別喜歡火龍果雪花冰🍧。用牛乳打成雪花冰，口感綿密，有香濃奶味，配上芋圓同台式魔豆，值得試下😋。如果仲食得到，可以食多1杯Movepick雪糕，真係好滿足。