Read full review
2021-10-05
1256 views
其實我知道台灣過江龍「Dazzling Cafe」已經登陸香港多時,但一直搵唔到朋友陪我食,因為佢哋嫌間嘢少女味太濃,又驚佢得個樣🤣。不過可能呢年幾無得去旅行嘅關係,朋友竟然主動提出嚟依度食飯,哈哈。餐廳座落於The ONE,面積幾大,座位分室內外兩部份。環境裝修真係幾靚💕,四周圍都係粉紅色,仲有唔少打卡位添。Cafe來自台灣🇹🇼,提供嘅食物當然唔少得台菜,傳統同新派菜式都有。另外,佢亦有賣義大利麵同甜品等。我認為定價算合理,而且你更可選擇佢嘅優惠雙人晚市套餐($368),計落一定平過單點😜!養生。麻油雞麵線(單點價$98),呢個係台菜嘅代表,湯麵一放低已經散發住好香嘅麻油味🤤。所謂嘅養生並不代表藥膳,佢其實係加咗啲紅棗杞子落湯一齊熬,提升湯嘅甜味。🍜湯底好飲,鹹香味濃,而且仲夠晒熱。麵線幼身細滑,軟稔得嚟唔易截斷。餸料主要係雞肉🐔同冬菇,啲雞應該係同湯一齊煲,所以肉質都似煲湯肉,有啲嚡,但我幾鍾意。麵線仲附有涼伴雲耳作小食。義式牛肝菌香菇義大利麵(單點價$98),餐廳嘅意粉選擇幾多🍝。意粉好大碟,麵條煮得彈牙兼掛汁,而個牛肝菌汁亦都幾好,偏向濃味同Creamy,但又唔會過鹹。餸料就係
餐廳座落於The ONE,面積幾大,座位分室內外兩部份。環境裝修真係幾靚💕,四周圍都係粉紅色,仲有唔少打卡位添。
Cafe來自台灣🇹🇼,提供嘅食物當然唔少得台菜,傳統同新派菜式都有。另外,佢亦有賣義大利麵同 甜品等。我認為定價算合理,而且你更可選擇佢嘅優惠雙人晚市套餐($368),計落一定平過單點😜!
$98
32 views
0 likes
0 comments
$98
15 views
1 likes
0 comments
$75
16 views
0 likes
0 comments
$90
27 views
0 likes
0 comments
套餐包兩杯$45或以下嘅飲品,超過嘅就補差額,我哋要咗樂活蜜桃柚冰茶(單點價 $40)同香桃薑綠茶(單點價 $45)。前者嘅🍑蜜桃同🍊柚子味幾平衡,並富有冰凍口感。後者薑味突出,甘甘哋,係無糖香氛茶🍵。
總括嚟講,原來呢間少女風Cafe真係唔止得個靚樣😍,食物味道都有返咁上下水準,其實直頭係喜出望外。我印象中味道好似仲好食過喺台灣當地食,行開The ONE嘅不妨嚟幫襯啊👍~。
Post