Video
Read full review
2021-10-11
439 views
本身以為呢間餐廳係海邊，會有好大部分價錢去咗海景，點知菜式一D都唔馬虎，而且份量十足。呢味戀上三杯雞既味道調味都唔錯，加上雞肉口感都好嫰滑，無論配飯定麫都好好食。除此之外，三杯雞既份量都唔少，絕對夠飽肚有餘，即使比較大食既朋友都唔使驚。 呢度既鹽酥雞扒都幾好食，炸得幾香口，不過我自己略嫌雞扒既炸粉太厚身，咬落會有少少遮過咗雞扒本身既口感同味道。相比之下，個麫底就出色得多。麫底煮得啱啱好，保持到彈牙之餘又唔會硬身，再加上湯底做得非常出色，試得出入面有唔同蔬菜既香甜味道同埋豬肉既鮮味，麫底同湯底加埋好夾，令人食指大動。 蚵仔煎絕對係台式小食既「名物」，每逢去台灣夜巿都一定會食，不過係香港就真係比較少食。而呢個柯仔煎亦都尚算可以，味道同口感都非常正宗，基本上同台灣夜巿食到既一樣，唯一唔同就係蚵仔會再多啲，令蚵仔既鮮味更加突出，可以話係高級版既夜巿蚵仔煎。 「芝士爆漿豬排」淨係聽個名已經好吸引，但如果係因為「爆漿」兩個字而受吸引既朋友，可能要諗一諗。呢個豬排確實係非常多芝士夾係豬排中間，但可能因為唔係最熱既時候拎出嚟，雖然有好多芝士，味道好濃郁，但就唔夠流心，冇乜「爆漿」既視覺效果。當然，芝士
本身以為呢間餐廳係海邊，會有好大部分價錢去咗海景，點知菜式一D都唔馬虎，而且份量十足。呢味戀上三杯雞既味道調味都唔錯，加上雞肉口感都好嫰滑，無論配飯定麫都好好食。除此之外，三杯雞既份量都唔少，絕對夠飽肚有餘，即使比較大食既朋友都唔使驚。
呢度既鹽酥雞扒都幾好食，炸得幾香口，不過我自己略嫌雞扒既炸粉太厚身，咬落會有少少遮過咗雞扒本身既口感同味道。相比之下，個麫底就出色得多。麫底煮得啱啱好，保持到彈牙之餘又唔會硬身，再加上湯底做得非常出色，試得出入面有唔同蔬菜既香甜味道同埋豬肉既鮮味，麫底同湯底加埋好夾，令人食指大動。
蚵仔煎絕對係台式小食既「名物」，每逢去台灣夜巿都一定會食，不過係香港就真係比較少食。而呢個柯仔煎亦都尚算可以，味道同口感都非常正宗，基本上同台灣夜巿食到既一樣，唯一唔同就係蚵仔會再多啲，令蚵仔既鮮味更加突出，可以話係高級版既夜巿蚵仔煎。
「芝士爆漿豬排」淨係聽個名已經好吸引，但如果係因為「爆漿」兩個字而受吸引既朋友，可能要諗一諗。呢個豬排確實係非常多芝士夾係豬排中間，但可能因為唔係最熱既時候拎出嚟，雖然有好多芝士，味道好濃郁，但就唔夠流心，冇乜「爆漿」既視覺效果。當然，芝士豬排本身既味道唔錯，炸得好香口，呢點係值得讚賞既。
嚟台式食店當然要飲台式飲品。呢杯「蜜戀瓜瓜」既蜜瓜味好濃郁，配埋少少奶味，甜得嚟又夾雜咗蜜瓜既清香果味，配合得好好。
Post
