老媽拌麵 (THE FOREST) (Closed)

假日旺角四圍逛，倦透了做在就近的商場搵食，喜歡食台灣菜的老友見有間#老媽拌麵，環境乾淨開揚，便進入開餐囉。台式半筋半肥牛.微辣湯.拌幼麵，半筋半肥的牛肉，咬落有好香的油脂感，牛筋軟淋好正，湯頭帶點了香辣更開胃，幼麵的質感爽彈，醬汁上枱時已拌勻，方便食用。香辣雜錦半湯肥牛鍋套餐，食材豐富有牛展、牛筋同牛肚，煮得非常入味，柔軟又有嚼勁，湯底很有台式味道，用醬汁飯很讚啊。小食點左香脆可口嘅豆乳香香雞，同軟綿的百頁豆腐。飲品點左芭樂檸檬茶加仙草同寒天，很大杯的，寒天晶球好有咬口，飲完個人好爽丫。期間限定，叫特飲仲有韓星李俊昊小禮品送，真開心🥳。另一杯🥃有柚子蜜綠茶，老友說清潤亦唔錯。