Video
Read full review
2022-07-25
323 views
餐廳：伊甸 (觀塘)地址：觀塘官塘道436-446號官塘工業中心第四期1樓C室「順利時要喜樂，患難時當思考，上帝使這兩樣都發生，因此人不知將會發生甚麼事。」觀塘呢間開咗五年嘅小伊甸，最近以全新面貌——伊甸 @eden.kwuntong 重新開張，引用咗《聖經》當中伊甸園嘅含義，同樣主打台灣菜🇹🇼，不過環境就改頭換面。木系風格，牆上好有啟發性嘅畫同字句，加上一個可以比人坐低Hea下嘅休閒空間，令人就咁坐喺度都零舍覺得舒服🥰伊甸希望每個嚟嘅人都可以有少少思考上面嘅衝擊，畢竟呢幾年發生咗好多事，好多行為同說話都被限制🚫，但要記住我哋嘅思想喺永遠唔會比任何人限制到嘅♾️座位分開四個Area，卡位、矮凳、高枱同一般餐枱，比你自由咁選擇，想坐邊就坐邊，做人最緊要有得揀呀嘛😌佢哋有部份食材喺嚟自台灣🛫，希望為香港人帶嚟台灣風味，都一段時間無去旅行🧳，唯有喺度懷緬一吓台灣美食先啦🥹。佢哋另外有唔同嘅Cafe嘢食，意粉🍝、All Day Breakfast、沙律🥗，仲同賞茶合作，用同一樣嘅配方同埋同一樣嘅台灣材料，調製一模一樣嘅茶飲比大家享受台飲嘅滋味🧋，跟餐加$15就可以飲到✝️鮪魚寶島蛋餅 配 輕量沙律
地址：觀塘官塘道436-446號官塘工業中心第四期1樓C室
「順利時要喜樂，患難時當思考，上帝使這兩樣都發生，因此人不知將會發生甚麼事。」
觀塘呢間開咗五年嘅小伊甸，最近以全新面貌——伊甸 @eden.kwuntong 重新開張，引用咗《聖經》當中伊甸園嘅含義，同樣主打台灣菜🇹🇼，不過環境就改頭換面。
木系風格，牆上好有啟發性嘅畫同字句，加上一個可以比人坐低Hea下嘅休閒空間，令人就咁坐喺度都零舍覺得舒服🥰
伊甸希望每個嚟嘅人都可以有少少思考上面嘅衝擊，畢竟呢幾年發生咗好多事，好多行為同說話都被限制🚫，但要記住我哋嘅思想喺永遠唔會比任何人限制到嘅♾️
座位分開四個Area，卡位、矮凳、高枱同一般餐枱，比你自由咁選擇，想坐邊就坐邊，做人最緊要有得揀呀嘛😌
佢哋有部份食材喺嚟自台灣🛫，希望為香港人帶嚟台灣風味，都一段時間無去旅行🧳，唯有喺度懷緬一吓台灣美食先啦🥹。佢哋另外有唔同嘅Cafe嘢食，意粉🍝、All Day Breakfast、沙律🥗，仲同賞茶合作，用同一樣嘅配方同埋同一樣嘅台灣材料，調製一模一樣嘅茶飲比大家享受台飲嘅滋味🧋，跟餐加$15就可以飲到
✝️鮪魚寶島蛋餅 配 輕量沙律 $67
參考台灣嘅早餐店，亦喺伊甸嘅主打菜式之一——寶島蛋餅，
用咗台灣鬆軟酥香嘅蛋餅皮🫔，包住煎蛋同埋可以自選嘅鮪魚餡料，蛋香味濃郁，鮪魚碎帶嚟陣陣鮮香，面頭加咗秘製醬汁識落更加惹味。另外配埋加咗松子同胡麻醬嘅沙律🥗
✝️古法印度咖哩燉牛肋條飯 $79
未食就已經聞到濃烈嘅咖喱香味，咖喱香而不辣，印度香料嘅配搭撈埋撈埋飯一齊食真喺絕配😋，另外仲有炆腍咗嘅牛肋條同埋薯仔🥔，
牛肋條大概有五六舊，帶有少少筋部，有咬口而且牛肉味突出，唔錯唔錯🤓
叫套餐加錢可以配唔同嘅小食，加$20要咗個鹽酥花枝丸，
一份有3粒，咬開微脆嘅表皮食到爽彈嘅肉質，中間仲有粒粒花枝碎粒🦑，加上調味料更為香口；
飲品就加$15叫咗波霸鮮奶咖啡同茘枝蘆薈，波霸鮮奶茶就飲得多，波霸鮮奶咖啡都喺第一次試，有啲似平時飲嘅Latte，不過就加咗煙韌珍珠喺裡面，值得一試👍
Post
