築間酸菜魚

今天經過銅鑼灣見到一間裝修好特別的酸菜魚餐廳，標榜是首間來自台灣的酸菜魚。諗起好耐無食魚，就上去試下。餐廳在銅鑼灣廣場2樓叫築間酸菜魚，餐廳裝修風格好新式環境亦很光鮮明亮，我們兩個人食，分別點了主食嘉義砂鍋魚和總長酸菜魚，總長酸菜魚是傳統味道的，魚肉軟淋香滑，配菜豐富連寬粉一齊食非常開胃，配飯亦一流。嘉義砂鍋魚更有特式，魚塊和配料用沙茶醬炒過，更香口惹味，味道濃郁，而還有好口的鵪鶉蛋。推出一試。小食方面我們點了椒鹽雞軟骨和脆皮魚下巴。雞軟骨是用比較長的雞軟骨，不是出面一粒粒細圓的軟骨，口感更好，而且不會好厚粉漿，香酥美味。魚下巴份量大，香脆而不失鮮嫩，鹽香和胡椒味濃厚，而且骨膠原十足。飲品方面我們點了冬瓜檸檬茶和蜂蜜檸檬水。飲品都好大杯，冬瓜味濃又唔會太甜幾好。甜品我們點了冬瓜黑糖奶凍。用冬瓜味的糖水為基底配上香濃的奶凍，味道出奇地好，可以一試。