Video
Read full review
2019-11-04
140 views
近排經常和朋友出街食西餐，今晚就轉轉口味食其他菜式。此店藏身於工廈內，多得朋友上食評網搜尋台灣菜，才發現此間樓上店。位於工廈單位的餐店門口簡單，門口對上青ＢＢ的招牌十分搶眼。餐店內以紅磚牆木枱木地板裝潢，簡單得來帶點簡樸的台灣味。空間細細容納到三十人，我地食到中途仍見食客滔滔不絕，都好多人識得來這裡。餐牌上菜式選擇多，湯粉麵便當大部份都可轉套餐揀選好彈性。叫了一麵一飯一小食兩杯飲品加埋晚餐總計二百蚊，價錢相當大眾化。台灣滷水拼盤 $42拼盤有滷蛋、豆腐、紅燒牛肉、萬巒豬腳和雞翼，列陣整齊滷得不錯好入味。雞翼得一隻好顯眼無得二人分囉，豬腳唔油膩個皮煙韌好嚼。豐盛台灣牛肉湯麵 $72店長推薦質素有番咁上下，湯底濃郁台味十足，麵質彈牙富口感，厚厚的牛展有三件口感軟腍。仲有平時食開的花枝丸貢丸滷蛋，蘿蔔無根都好入味，好似食緊車仔麵咁餸料包羅萬有。蝦仁卷 +$8一件過無分成兩件上感覺來得珍貴，腐皮包蝦肉馬蹄，外皮鬆脆香口蝦仁帶點鹹香幾好味，細細條都咬到兩口。逢甲鹹酥雞肉燥飯 $56鹹酥雞落的炸粉唔多，啖啖肉炸得香口惹味，咬落有肉汁非常好食。肉燥淋上飯面味道無係好鹹，撈埋配菜醬瓜菜脯食幾好味。檸檬
餐店內以紅磚牆木枱木地板裝潢，簡單得來帶點簡樸的台灣味。空間細細容納到三十人，我地食到中途仍見食客滔滔不絕，都好多人識得來這裡。
餐牌上菜式選擇多，湯粉麵便當大部份都可轉套餐揀選好彈性。叫了一麵一飯一小食兩杯飲品加埋晚餐總計二百蚊，價錢相當大眾化。
台灣滷水拼盤 $42
拼盤有滷蛋、豆腐、紅燒牛肉、萬巒豬腳和雞翼，列陣整齊滷得不錯好入味。雞翼得一隻好顯眼無得二人分囉，豬腳唔油膩個皮煙韌好嚼。
台灣滷水拼盤
$42
34 views
0 likes
0 comments
豐盛台灣牛肉湯麵 $72
店長推薦質素有番咁上下，湯底濃郁台味十足，麵質彈牙富口感，厚厚的牛展有三件口感軟腍。仲有平時食開的花枝丸貢丸滷蛋，蘿蔔無根都好入味，好似食緊車仔麵咁餸料包羅萬有。
豐盛台灣牛肉湯麵
$72
49 views
0 likes
0 comments
蝦仁卷 +$8
一件過無分成兩件上感覺來得珍貴，腐皮包蝦肉馬蹄，外皮鬆脆香口蝦仁帶點鹹香幾好味，細細條都咬到兩口。
蝦仁卷
22 views
0 likes
0 comments
逢甲鹹酥雞肉燥飯 $56
鹹酥雞落的炸粉唔多，啖啖肉炸得香口惹味，咬落有肉汁非常好食。肉燥淋上飯面味道無係好鹹，撈埋配菜醬瓜菜脯食幾好味。
逢甲鹹酥雞肉燥飯
$56
10 views
0 likes
0 comments
檸檬梅子QQ $12 和 青蛙撞奶 +$18
平時好少揀熱飲今次試試，兩杯都係揀落半糖味道不錯，紙杯細細望唔到椰果和珍珠，賣相無咁吸引。檸檬梅子QQ 酸酸甜甜清清地飲落幾開胃，椰果細細條都幾彈牙好有咬下。青蛙撞奶用上黑糖特別香和奶好夾，熱飲好順喉，黑白珍珠細粒軟軟地煙煙韌韌，唔錯幾好飲。
檸檬梅子QQ $12 和 青蛙撞奶 +$18
7 views
0 likes
0 comments
Post
