創意廚房 (Closed)

荃灣有好多食店特別是火鍋、鷄煲、韓國燒烤等等，但近排食了太頻密開始有啲悶，正當唔知食乜好之際行下行下入咗條橫街見到一間創意餐廳的台式食店，店內沒有刻意的裝飾但牆身掛上的擺設幾得意！我看見分別有兩個食客入來都叫老闆order照舊，相信呢間店開咗好耐而且亦有不少熟客捧場！我點了醬汁雞肉台燥飯配靑蘋果綠茶，同學點了醬汁豬扒拉麵跟蜜桃紅茶，雞肉好嫩好入味特別一提豬扒完全唔嚡，啲汁恰當唔太醎我食晒整碟飯呀～小食有很多款選擇我選了滷水三拼（雞翼、雞腎、滷水蛋）只是38元，有三款平均十元多些真好化算比起食串魚蛋有質素好多！正！最好就係價錢唔貴套餐可以跟飲品！