嘆嘆 (Under Renovation)

黃大仙中心新開咗間台式輕食甜品咖啡店，喺韓閣隔離，原來係韓閣集團旗下餐廳。餐廳裝修幾有特色，近門口位置更有打卡位。主打台式飲品同小食，亦有幾款主食提供。「嘆嘆套餐」有唔同配搭組合選擇，價錢相當抵食。嘆嘆招牌牛肉麵以鑊仔上枱，好大碗！牛肉同蘿蔔軟腍入味，牛肉份量好多湯底唔會太重口味。古早滷肉飯拼滷水雞翼，滷肉份量畀得好慷慨滷水雞翼夠入味招牌香酥鹽酥雞新鮮炸起熱辣辣，估唔到套餐加配嘅小食都咁大份。鹽酥雞炸得酥脆香口，食唔停口店員見我哋食完正餐，就上埋個甜品。3.6牛乳黑糖芋圓特盛係超大碗嘅黑糖刨冰，份量足夠2-3人share。配料有齊三色芋圓、黑糖珍珠、紅豆、紅豆糯米糍、牛乳布甸同雪糕，非常豐富！芋圓同珍珠都好煙韌，3.6牛乳布甸香滑奶味濃郁飲品選擇非常多，揀咗兩杯靚靚打卡飲品。夢 (士多啤梨藍橙乳酪特飲)底層粉紅色係士多啤梨味，面頭粉藍色係橙味。戀❤️富士山 (奶蓋藍橙乳酪特飲)，面頭層奶蓋好好味。總括嚟講食物質素唔錯，價錢合理，餐廳環境幾好，大部份都係卡位，坐得舒服。