養心麵 (Closed)

放工去做body treatment, 就在附近食野先，快靚正當然是車仔麵，今次就食 台灣特色的 養心麵。
大部分麵底、配料都是台灣直送，水蓮、蘭花乾、關廟麵還是第一次見，又長知識。

杞子菊花圓肉露
好濃的菊花味，甜度剛好，有圓肉味，滋潤一流。

我點了招牌養心麵
有台灣水蓮、鴨血、滷水豬腳、貢丸、滷水溏心蛋

還有辣汁魷魚鬚，魷魚鬚相當嫩滑彈牙，辣汁勁入味，好正夠惹味！

入味的湯底有桃膠，養顏~除了糖水，加入車仔麵有創意。

麵底選了關廟麵，因為未食過，質感比米線硬身點，有彈性，都不錯。

滷水豬腳豬皮爽口，好有膠原。

溏心蛋蛋白好嫩滑，溏心好美味！

貢丸大大粒入味，食完飽肚感十足。