養心麵 (Closed)

今日行行下街口痕想食車仔麵，就上網睇下附近有乜好推介，見到有間台灣版車仔麵幾特別咁！就去左呢間啦！去到見到menu 都好多係由台灣直送，配料多達30幾種，搞到我都心大心細唔知簡乜咁！最後我就簡左辣汁陳皮魚蛋、鴨血、瑞士汁雞翼 麵條我就簡左台式闊條麵！湯式就選擇左麻辣湯底！辣汁陳皮魚蛋十分香濃，帶住好濃既陳皮香味，魚蛋十分彈牙，呢度既陳皮香味做得好出色！鴨血好滑嫩，增添左湯底既味道更濃厚！瑞士汁雞翼簡直一流，雞翼入哂味呢！而呢個台式闊條麵係我第一次食，外表晶瑩剔透，食落好q彈！完全吸哂麻辣湯汁，食落好惹味！而個湯底辣得黎好香，食完都忍唔住飲左幾啖呢！