Video
Read full review
2018-10-22
7 views
落住雨等朋友k收工， 難得佢終於可以喺九點前收到工，當然要陪佢食飯，兼且聽下佢吐苦水，作為一個香港嘅打工仔，ot自然少不免， 不過幾忙都係要食飯。同朋友喺旺角見到呢間湯米，感覺都幾乾淨企理，行到攰攰哋就入去食。大概七點零鐘嘅時間，未算好多人，不過我哋一點完餐，就有唔少食客入咗嚟，幾乎滿座。淨係火鍋都有九款，係一人一鍋嘅形式，每個套餐都跟一碗白飯或者粉絲，我哋分別叫做招牌臭臭鍋、巴蜀烤魚鍋、泰式海鮮鍋，同埋日式味噌鍋。飲品方面都有唔少選擇，我哋亦都一人叫咗一杯， 主要都係一啲台式嘅手調飲品， 有女仔比較鍾意既水果茶。檯面上亦都有醬料，有必食嘅蒜蓉同辣椒粉，豆瓣醬就略鹹，醬油就ok既， 不過朋友k 就鐘意食鹹啲，如果有美極就perfect 池。我自己就叫咗一個招牌臭臭鍋，食台式邊爐就必點臭豆腐啦， 不過呢度嘅臭豆腐唔算好臭，但就比較淋，豆腐入面有一個個嘅小窿，非常索湯， 入口好爆汁，食嘅時候要小心啲。除咗臭豆腐之外，呢個湯鍋入面亦都有唔少材料，例如鵪鶉蛋、大腸、娃娃菜、椰菜、蜆肉等等。 而且湯底有啲沙茶醬料香味，蔬菜吸收咗湯底嘅味道，好好送飯。而且不得不讚嘅係啲大腸唔會太肥、薄身，唔會太
同朋友喺旺角見到呢間湯米，感覺都幾乾淨企理，行到攰攰哋就入去食。
大概七點零鐘嘅時間，未算好多人，不過我哋一點完餐，就有唔少食客入咗嚟，幾乎滿座。
淨係火鍋都有九款，係一人一鍋嘅形式，每個套餐都跟一碗白飯或者粉絲，我哋分別叫做招牌臭臭鍋、巴蜀烤魚鍋、泰式海鮮鍋，同埋日式味噌鍋。
飲品方面都有唔少選擇，我哋亦都一人叫咗一杯， 主要都係一啲台式嘅手調飲品， 有女仔比較鍾意既水果茶。
檯面上亦都有醬料，有必食嘅蒜蓉同辣椒粉，豆瓣醬就略鹹，醬油就ok既， 不過朋友k 就鐘意食鹹啲，如果有美極就perfect 池。
我自己就叫咗一個招牌臭臭鍋，食台式邊爐就必點臭豆腐啦， 不過呢度嘅臭豆腐唔算好臭，但就比較淋，豆腐入面有一個個嘅小窿，非常索湯， 入口好爆汁，食嘅時候要小心啲。
除咗臭豆腐之外，呢個湯鍋入面亦都有唔少材料，例如鵪鶉蛋、大腸、娃娃菜、椰菜、蜆肉等等。 而且湯底有啲沙茶醬料香味，蔬菜吸收咗湯底嘅味道，好好送飯。
而且不得不讚嘅係啲大腸唔會太肥、薄身，唔會太漏。
原本跟餐嘅白飯我就轉咗做滷肉飯 ，加12蚊，滷肉飯嘅味都幾香口，充滿醬油香，不過豬肉略嫌唔夠肥，冇做到滷肉嗰種油膩嘅質感。
至於友人就叫咗呢一個泰式海鮮鍋，材料都幾豐富，有唔少嘅大蝦、青口、蜆肉，而且湯底嘅冬陰功味都幾香，除咗香料味夠重之外，亦都好有椰汁味，但係唔會太辣， 鍾意食辣嘅朋友，就可以嗌中辣，甚至大辣。
而另一個嘅日式味噌鍋， 用嘅係白味噌，所以煮落都唔會太鹹， 而且入面都有好多蔬菜，比較清淡。
而朋友k就選擇食呢個麻麻辣辣嘅巴蜀烤魚鍋，魚肉都幾厚，不過就比較多骨，湯底好重花椒味同麻辣味，相當刺激。如果採用一啲比較少骨嘅魚，咁食起上嚟就更加方便啦。
順帶一提 ，每個鍋都有一粒鵪鶉蛋，其實都幾好食嘅，不過可惜既係只得一粒單獨嘅春蛋，略嫌有少少寂寞，唔係幾夠喉。
飲品方面我就叫咗爆檸四季春， 非常多嘅青檸， 但係唔會太酸，入口好有檸檬香，而且唔會遮走啲茶味，感覺好清新。
整體而言，飲品質素唔錯，食物款式都多，地點都算就腳， 平均每人百零蚊， 旺角食飯而言，都係個唔錯嘅選擇。
Post
