我哋見過雞煲咁好味，忍唔住自己加咗湯打住邊爐先，又真係幾好味喎
火鍋湯底我哋揀咗胡椒豬肚湯，胡椒味超濃郁，落親咩落去都會有胡椒香
墨魚滑超好味，追加咗三次
海鮮質素都唔錯，帶子出奇地大隻，抵食
麵食全部都獨立包裝，方便又衛生
另一樣嘢幾開心就係佢哋嘅飲品選擇好多，啤酒都有，而家唔係平時成日見到嘅韓式飲品，而係台灣入口嘅台式飲品，仲有冷泡花茶，啱晒鍾意養生嘅女仔
1
1
最最最最大驚喜就係竟然有好多嘅台式甜品可以選擇，唔似以前好興嘅乳酪雪糕咁，其實都食到厭晒，同埋完全估唔到佢嘅台式甜品全部都勁高質，雖然我已經飽到反晒肚，但係我都追加咗三次，講真如果佢哋開一間台式甜品鋪我哋一定會支持！首推係芋圓，薏米，同埋仙草凍，一定要留肚食！！
1
仲有其他任食選擇，配料唔算多，最緊要高質，一定會再幫襯！
