山見台式火鍋 (如心廣場一期)

Open Now

Now Closed

今次去咗間幾有名氣嘅台式火鍋店🥢撞岩佢有個期間限定嘅港式主題🇹🇼🇭🇰香港台灣小食都齊曬!湯底我哋嗌咗🌶️青花椒麻辣湯同埋🐟海帶魚骨豆腐清湯(期間限定)，麻辣湯底跟左幾舊鴨血，而豆腐清湯都好足料，有大量海帶同埋吸滿曬湯蜂巢豆腐，湯底好鮮甜，打邊爐一流！我哋揀咗Lv3 極品吃到飽套餐，可以出外面夾食物同手機落單，落單時寫明每份有幾多件幾多塊，方便啲預計分量👍🏻唔洗浪費今次佢哋嘅港式主題我哋都嗌咗佢哋嘅街頭格仔餅同埋黑毛肚。格仔餅外脆內軟，淋上大量煉奶同花生醬，而黑毛肚放入麻辣鍋就一流，唔韌好爽口！出面自助區都有好多火鍋配料、甜品、甚至有滷肉飯、台式麵線、碗仔翅、咖喱魚蛋、瑞士雞翼、粉果等超級多選擇其他好值得推介嘅火鍋配料有勁吸湯嘅砂爆魚肚、竹笙娘蝦滑、 響鈴魚籽蝦滑卷。仲有鮮甜無沙嘅沙白，嚟到嘅時候仲係識郁！而牛肉推介叫牛舌爽嫩、牛爽腩同埋卡樂BEEF都好淋重牛味！而台式小食都好正，特別推介手工糯米腸，炸到外脆內軟，而柯仔煎我覺得仲好食過台灣夜市嗰啲！甜品我哋差五多嗌曬，細細碗勁高質，打完邊爐食返碗劃上完美句號。離開個陣職員仲比咗夾公仔幣比我哋喺門口玩！