牛大人台灣火鍋吃到飽 (偉華中心)

Open Now

Now Closed

約咗朋友出沙田睇戲，睇戲之前就決定過嚟打個邊爐🙆🏻‍♀️我哋點咗極上和牛吃到飽嘅套餐，大部份嘅嘢食都可以任嗌🙆🏻‍♀️我哋揀咗台灣鳳梨雞鍋，都好足料，見到成隻雞，另外仲有苦瓜，可以清熱一下😎我見有推廣話用Storellet成為牛大人餐廳會員，就可以200積分換HOEGAARDEN蜜桃白啤酒同蜜桃白啤酒雪葩，但因為我哋晏晝食，陣間又要睇戲，所以就冇嗌。淨係換咗金鑽鳳梨椰奶西，俾餐廳員工睇Like 同Follow 左佢地FB IG嘅畫面就得~打邊爐滯滯哋，飲呢個都幾清新😎同埋唔會好甜！不過出邊其實都好多嘢飲揀，用咗環保嘅杯去裝冷泡茶，冷泡茶可以解膩，亦都係唔錯嘅選擇！食嘢之前我哋拎埋醬汁，好開心有得揀沙茶醬，唔係好多地方有🙈我哋幾款肉都試咗，SRF美國黑牛後腿肉整體瘦啲，肉味相對濃啲💁🏽‍♀️安格斯特選牛板腱油脂分布多啲，但又唔會太多，所以會香口啲🙆🏻‍♀️另外呢度都好多滑嘅選擇，我哋揀咗干貝鮮魚漿，蟹籽墨汁漿同埋章魚珍珠漿，全部都好彈牙，夠鮮味👍🏻出面自助區域好多配料可以揀，我哋揀咗唔少蔬菜類，都好新鮮😋