101手工涮涮鍋 (Closed)

101手工涮涮鍋 呢日放工同朋友去左打邊爐，今次揀左係尖沙咀的101手工涮涮鍋，自己之前食過一次覺得唔錯，介紹朋友再黎同我食。今晚叫左金蟬脫殼湯底，裡面有雞件冬瓜等，雞件都唔少，而且雞肉夠哂滑，清清地幾好味。配料依舊超豐富，一張枱唔係幾夠位，有手切安格斯牛頸脊肥牛片、墨魚汁鳥結糖、太極冬菇、三重芝士安格斯霜降牛丸、三重芝士鮮製蝦院、三重芝士鮮製墨魚丸、黑松露蟹子海鮮軍艦、黑松露蟹肉餃及黑松露芝士豚肉餃等，仲有響鈴、炸魚皮、淨係食呢啲都飽。極推介呢度的自製丸，全部都好有特色好有創意，而且味道好好，夠彈牙，肥牛片亦唔錯，幾有牛味，份量亦多，四個人都差啲食唔哂啲野！飲品亦好特別，前菜同大部分配料都係任食，二百幾蚊好抵食！難怪晚晚都咁爆場。