伊甸 (Closed)

之前經常幫襯的小伊甸，裝修過後就改名為伊甸Eden，變得木系文青風，環境比之前闊落開揚舒服。餐牌都更新了，除了台式食品，更有西式意粉提供。食物比以往注重賣相。台式鐵板吐司，有四款選擇，賣相大份而吸睛，用上丹麥麵包做吐司，牛油味更香。用鐵板烘得香香的吐司，夾著跟手掌差不多大的惹味鹽酥雞扒，炸得香脆不油膩，咬落仍有肉汁，配上沙律菜及沙律醬，十分邪惡而滿足。雖然大份，但餐廳用紙盒包裝得精緻細心，不會食得太狼狽。另加了$20 份鹽碟花枝丸。台式香菇肉燥新竹米配鹽酥豬排（$77), 份量足。香菇肉燥非常惹味，送湯送麵都很好。最鍾意台式新竹米粉，口感幼滑，有米香。鹽酥豬排外酥內嫩，充滿鹽酥的咸香，很惹味。還配有一個涼拌小食。每份套餐都配有簡單餐飲，加$15 可轉其他台式飲品。餐廳跟賞茶合作，所以飲品款式基本上跟賞茶一樣多。但有兩款咖啡系列是伊甸獨家的，波霸鮮奶咖啡便是其中一款，珍珠夠咬口，少糖味道剛好。