犇殿台灣火鍋 (青衣城1) (Closed)

星期六日又到左行街嘅時間，同男朋友去青衣城行街搵晚飯食見到有間新嘅火鍋鋪，見到個好吸引既湯底就決定入去試吓。季節限定起司奶蓋蕃茄湯蕃茄味好濃郁，未落配料前試咗一口，湯味濃郁，完全似係飲緊晚餐嘅餐湯，上邊加咗一層奶蓋，奶蓋嘅鹹香芝士味，當你烚牛肉同豬肉嘅時候沾到奶蓋會非常之開胃，別有一番風味。另外仲配左一碗滿滿的奶蓋，可以直接將奶蓋加落去焗烚完的食物上，會更加可口。台灣滷水蛋及腸等小食滷水蛋入味，烤過既台灣腸好香脆，仲有滷水豆腐和其他小食，重點係無限任夾，大滿足。鹽酥雞好香口，忍唔住叫左兩份，不過今次就食唔到蝦卷同芋泥卷都已經售罄。美國極黑牛三叉好少見嘅薄切闊身肥牛，較大片肉味濃厚有口感，而且油脂分布平均，唔會太肥。美國豬梅花肉質鮮嫩，入口滑溜。阿嬤燒酒雞經過酒醃製之後再打邊爐都依然好入味，份外滑身，唔使再另外沾醬汁都好味，鍾意食雞嘅朋友必點呢個。飲品都有唔少可以選擇，仲有自家製茶飲，桂花烏龍好清香，好可以解膩。甜品仲有Häagen-Dazs雪糕杯，或者其他水果味雪條。