茶木‧台式休閒餐廳 (Closed)

今日本來約左好姊妹去朗豪坊睇戲，點知買唔到票，唯有去食個下午茶，吹下水，交流下近況。條街咁熱，好口乾，於是一坐低第一件事點左兩杯凍冰冰嘅飲品，降下溫同滋潤一下喉嚨。綜合水果茶，好多唔同水果，味道太甜，唔太喜歡。荔枝特飲，勁多冰，又係勁甜，不過加左水會好D。點左三款食物，份量都好大份下，所以兩個女仔唔係幾食得曬﹗我個好姊妹係一個眼闊肚窄嘅人，所以次次都要我包底。鹵水拼盤，得糖心蛋好食，其餘都一般，下次唔會再叫，失望﹗炸雞扒，好大件，好脆，又入味，正﹗紅燒牛肉麵，一定要食，麵好彈牙，牛肉好淋，湯底好正，同台灣食開果D差唔多，推介一定要食。埋嘩成$3XX，價錢可以接受，因為都叫左幾多野下。