牛站(駅)麻辣火鍋放題

Open Now

Now Closed

好姊妹就嚟要返英國做嘢，想響走之前打返一次邊爐，我就搵到呢間係尖沙咀嘅牛站麻辣火鍋放題，我哋揀咗7:30前埋單$248 S R F美國極黑肩胛肉眼餐，由於係新年嘅關係，所以佢要每位加$30嘅附加費。我想試吓麻辣鍋，好姊妹就揀咗胡椒豬肚湯底，佢哋而家做緊免費download Apps入會，只有新會員就可以免費送$48鴛鴦鍋湯底或者係九折優惠。佢哋係用QR code落單，但係以每件計，如果你揀咗一，佢就真係淨係比一粒你😂牛肉方面有美國牛肩胛或者係日本極黑牛，兩隻牛肉都幾好食，海鮮可以揀蝦，鱔片、鯇魚、蜆、帶子或者係超長蟹柳。飲品方面，佢哋有梅酒同清酒任飲，亦都有自家泡茶同埋汽水，同埋有珍珠奶茶，不過可能因為之前整定所以啲珍珠冇乜咬口。甜品方面，佢哋有軟雪糕或者係Häagen-Dazs嘅蜂蜜蜜桃或cookie & cream雪糕，又有唔同嘅雪條，同埋豆腐花、Tiramisu、牛奶布甸或者係芋圓涼粉等等…..太多嘢食，限時兩個鐘都係啱啱好。