夫妻沸片-台式麻辣火鍋 (Closed)

花膠雞湯乾拌麵 $88成個雞湯都飲得，飲晒都唔會覺得口渴。花膠係簿簿的，食落好滑帶少少爽， 補充骨膠原，係女士既恩物。雞肉皮薄肉嫩。 乾拌麵口感煙韌，帶蔥香味， 整體來講值得一試。招牌夫妻麵$78麻辣香味十足，咪睇湯面佈滿辣油，但其實只係微辣，會愈食愈上癮的香辣。半熟溏心蛋，甜甜的醬油味，蛋香味濃。有台灣直送鴨血同豆腐，鴨血大件爽口冇異味，吸晒麻辣湯汁，好食！鹵水牛展 $54以小食來講份量都幾多，有15片左右。牛展鹵得好入味，鹹甜適中，肉質有彈性，筋位唔會韌，如果再熱辣辣就仲好食啦。黃金魚皮 $39炸得非常酥脆，滿滿一層鹹蛋黃漿，食落好香濃有起沙既口感，好邪惡，要2個人share食先得，如果唔係會有膩感。鐵觀音珍珠奶茶 $13店員推介可以，果然好飲，茶味非常突出，唔會好甜，啖啖鐵觀音香味， 但珍珠偏淋，唔夠煙韌。芒果青桔梳打 $13酸酸甜甜好開胃，冰涼解渴。