100米台式餐廳 (Closed)

呢一間又係成日排長龍嘅小店，今日下午茶時間竟然唔使排隊，所以就入去試吓。叫咗個台式蜜糖香腸配新竹米粉，再加個台式花生醬厚吐司，直情當自己去咗台灣一樣。新竹米粉好滑，個台式蜜糖香腸係分開上嘅，其實都係展開個膠袋然後攞出嚟戰，所以味道同喺台灣食到嘅差唔多，不過就略嫌比較油。花生醬厚吐司係好食嘅，其實用心做就一定唔會唔好食，出邊好多茶餐廳都係求求其其，不過呢一間嘅吐司連麵包邊都做得脆，似乎對食物品質有要求，我好欣賞。唔怪得成日排長龍！