台北人 (Closed)

去黃埔交收碰啱落大雨，避雨時望到附近有間賣台式便當的台北人，餐牌食物都合我心意，一於買晚餐回家食。除咗外賣，店內還有一小檯可以立食，地方都好整潔。雞腿便當，雞腿都好大隻，即叫即炸，拎到返屋企雞腿外層都重係脆口，雞肉嫩滑有肉汁。配料滷蛋又香又入味，蔬菜和雲耳都好爽口。鹽酥雞，醃得夠入味，外皮香脆，肉質柔嫩。阿麼QQ果鮮奶茶，採用日本明冶奶，奶味特別香醇濃郁，加入Q彈軟嫩的果粒增加口感，原樽雪凍，不用加冰，唔會令奶茶變淡。