昌記

Open Now

Now Closed

今日下晝要出去講兩句，地點就在跑馬地附近的會所。呢類場合雖然有野食，但例必無啖好食，所以之前都係食少少野穩陣。記得Olivian讚過呢度的厚多士好過勝香園，所以就賣甩個同事來幫襯。午飯時段，成個熟食中心都好多人。米睇呢度只係大排檔，但招呼的幾位阿姐服務唔錯，雖然忙但都照顧周到，你講唔逐佢會答番「唔使唔該」，幾好。叫了啡走同奶油多，可能人多，都等左一陣。啡走唔錯，濃香又滑，幾有水準；等多一陣多士也來了，一看之下有少少失望，是薄薄的普通貨色，雖然是烘得香脆，但比起Olivian所登的那幅壯觀的厚多士，實在是差之千里。吃著薄多士，望左望右，也不見附近有厚多士出現；思前想後，極有可能是在落單時叫漏了個「厚」字，所以才來了這個普通貨色。可惜在講野前不想吃太多，如不是一定再叫看厚多士是不是正好多。埋單16蚊，價錢是其次，吃不到傳說中的出色厚多士，離開時是有點悵然若失的。