新唯一麵家 (Closed)

尖沙咀的美食非常多，但如果要搵一間性價比高的平民小食，恐怕真係無幾多間，唯一麵家重開之後，或許真係當中的唯一。以前的唯一麵家，曾經算係一間有名氣的小食店，豆漿、粗炒、窩貼，都好馳名，今天似乎都keep到部份水準。睇睇Menu先，菜式選擇尚算豐富。先來一杯招牌豆漿，很滑，沒有多餘的豆渣，飲落清涼又不會覺得過份地甜。上海粗炒的火氣略為不足，說實話比我原先想像的差了點，但至少上盤時唔覺有多餘油份，雖然跟原先的期望有出入，但感覺還是可以接受的。酸辣湯的味道略嫌不夠濃烈，但配料很足，感覺如果味道稍為深化一d可以好好多。多手點多左一碟卥水雞翼，可以話係意外收穫，卥水汁比想像中更入味，絕對值得一試。招牌的煎窩貼超級好味，餃子皮鎖住肉汁又不會太油膩。傳統上海炸雲吞，外層的炸酥皮唔算特別超水準，比唔上荃灣某間冰室的炸雲吞，但整體來說性價比夠高了。最後食埋個特沙餅當飯後甜品，相當唔錯，今餐算係由頭到尾都幾滿意。