妖怪 (Closed)

我係專程為咗呢間餐廳嘅拖羅而嚟㗎😝 聽講呢度嘅拖羅，係由享負「金槍魚の王」美譽嘅日本山幸集團出品😍蘋果木煙燻特上大拖羅（5切）上枱時侍應會喺你面前拎開玻璃罩，煙霧彌漫十分有氣勢！當然唔會忘記要影相打卡啦📸✨ 呢個拖羅真係不得了～無論係肉質定係油脂比例，都係頂級水平🙌🏻 巧妙咁煙燻過嘅表面佈滿精緻嘅魚油花紋，肉質油潤而軟滑，口感細膩，入口即溶！寒鯖魚一夜干口感柔軟，肉質鮮嫩肥美，油脂豐富。三文魚籽冬菇同樣美味，魚籽爆漿帶海水味，冬菇香濃彈牙👍🏻👍🏻妖怪嘅食物質素相當之高，尤其是拖羅，的確冇令我失望，另外加分位係佢哋嘅擺盤同埋呈現方式，睇得出呢間餐廳嘅誠意！