呢度嘅牛肉全部都係採用新鮮本地牛肉，吊龍肉、牛小排、封門柳，連牛骨髓、牛王喉等等比較特別嘅部位都有，我地試左牛小排、封門柳都好嫩滑，質素唔錯。湯底揀左沙嗲拼芫荽皮蛋鴛鴦鍋，沙嗲非常濃郁，會牛肉一流，仲有出前一丁🤭
店家對食材好有要求，如雲吞、水餃、魚皮餃全部每日新鮮製作，蝦滑、墨魚滑都係自家製，唔似現成比較霉，食得出係用比較新鮮嘅食材打成嘅，特別推介蝦膠、墨魚膠好爽口彈牙！
呢度除咗打邊爐，最特別係有好多美味嘅小食，有骨魚皮、酒香鴨舌、涼拌水魷都好惹味，非常有水準。
服務亦要讚賞，店員都有禮熱情🫰🏻
