享樂烘焙

Open Now

Now Closed

今朝要返新蒲崗，咁我當然就抓緊機會去試新開嘅享樂烘焙麵包啦😁。之前就睇過好多關於呢家店嘅報道，介紹有咩主打麵包款式，但當你實地置身店內，就真係眼花瞭亂，樣樣都想試。最後我就小試兩款可頌，配上麥當當嘅咖啡，應該好滿足啦🤭。鹽可頌面包好Q彈，內有海鹽牛油餡，好重牛油香味，但可能因為加左岩鹽，所以食起上嚟唔會覺得膩，我兩下就KO了😆。呢個黑白頌真係超級好味，表面就是普通可頌的樣子，但底部基本就係芝麻糖呢😍😋😋😋！佢係在可頌底灑上大量芝麻再淋了一層黑糖， 芝麻味超香黑糖唔係太甜但就焗到脆片咁，麵包本身一如其他超Q彈，今朝早餐超幸福呢！下次早餐再試其實款式，聽同事講佢地嘅baguette 🥖 都好好味喎。