一上枱已經見到超可愛嘅炸蝦尾！靚到唔捨得食，不停打卡影相！配搭埋超濃郁嘅海皇醬汁，味道鹹鹹香香！倒入去啲面度拌勻，配埋香脆天婦羅嘅面衣、鮮蝦、魷魚、西蘭花一齊食，啖啖都好足料，而且口感味道層次都好豐富
🌸蟹膏牛奶拉麵
熱辣辣香噴噴上枱，我好鍾意呢個湯底！因為湯底充滿蟹膏嘅鮮甜香味，配料都好多，包括有：豬軟骨、叉燒、溏心蛋同埋鮮蝦等等，豬軟骨肉質好軟嫩，彈牙嘅拉麵都好入味！濃而不膩！
🌸特製牛奶拉麵
囡囡就最鍾意食呢個牛奶拉麵，湯底充滿香濃牛奶香味，配料都好豐富，全部都係小朋友嘅至愛，有豬軟骨、叉燒、蟹柳、溏心蛋、同埋有靚靚公仔嘅魚蛋 ！叉燒肉質鮮嫩肥瘦適中，佢地都話好好味
🌸肉汁滿滿餃子
餃子皮薄餡靚，外皮煎至香脆金黃，入面嘅內餡滿滿，味道鮮美
🌸栗子紫薯餅
用一個好可愛嘅角落生物紙盤上菜！栗子紫薯餅即叫即製，外層酥脆，餡料為綿密嘅紫薯蓉，仲有好多栗子粒！香甜而不膩，有驚喜！
🌸特製芭菲
擺盤好精緻，士多啤梨味嘅奶凍上面鋪滿新鮮嘅水果！仲有雪糕同埋年輪蛋糕，酸酸甜甜
🌸特製白桃烏龍奶茶
濃郁嘅奶茶，帶有淡淡嘅白桃味道！上面仲有一個好可愛嘅炸蝦味棉花糖，得意
🌸特製青蘋果梳打
賣相好吸睛，梳打飲品上面唧滿面大量cream同埋角落小夥伴棉花糖！味道但有微甜，囡囡飲得好開心！
🍴餐廳環境舒適，裝修佈置都好花心思，全新冬日主題係好可愛嘅角落小夥伴！餐廳嘅牆身、枱面就連食物都係角落生物，好靚！周圍都係影相打卡位！餐廳仲有好多可愛嘅禮品可以選購！啱哂角落生物嘅粉絲！我地買左一set，真係好靚！
