金滿象正宗泰國菜 (Closed)

去花墟買完花，喺附近行吓睇吓有咩食，友人選擇咗呢間，意外地原來之前都食過廣華街嗰間，份量偏少價錢少貴。我哋坐收錢旁邊個位，老闆娘今日在場，一入去已細心叫我哋放好盤花。我哋叫嘅菜唔多又要求多多，但老闆娘都無「炸形」。分量比想像中大，而且價錢同其他平均70蚊小食比較特別平。兩隻大大隻雞全翼雞追部份切開上，方便食。極多炸蒜，賣相吸引。雞肉嫩滑多汁。炸蒜單食有啲苦，但夾埋雞翼就好好味。大件夾抵食兼好食推介。呢度所有菜式都賣相精美，美中不足係上菜次序有少少問題，上咗主菜主食先上小食。呢個係特別order，原本素菜只配黃咖哩，但老闆娘幫我哋改青咖哩。青咖哩顏色吸引，像牛油果嘅迷人青綠色，唔辣。蔬菜份量多，有泰國茄子、豆角、蕃茄仔、粟米仔、椰菜同金不換，送飯一流。喺老闆娘用泰文指導下，泰籍員工們表現落力，仔細地擺餐具，有效率地收碟，加水，像高級餐廳嘅質素。老闆娘親切地親自同我哋加水，談笑風生天南地北，偷快的一餐。