多多餐廳 (Closed)

因為同事去完旅行所以請下午茶,今次首次試呢間, 因為樓下同事們之前成日叫都覺得唔錯, 所以做老細的同事今次揀佢, 好耐都無食過大大隻雞肶, 仲要識食當然係用手食啦, 哈哈~~~其實一開個盒望到真係好邪惡law, 但又聞到好香的味道, 怕熱氣所以無叫炸脾, 但一樣大隻, 雞肉嫩滑, 個皮都係, 幾入味, 唔想食雞皮都忍唔住!!  最有心係個沙律, 唔係用罐頭個類整, 真係自家整, 有蘋果個隻, 加埋沙律醬, 夏天好味之選!! 薯條就熱食蠻不錯, 凍左就爭少少, 總括而言不錯, 價錢又唔太貴, 始終在金鐘地區, 銅記過來, 下次邊個請都可以再encore~~~