Are U Labeler

Open Now

Now Closed

最近天氣日日落大雨，塞車塞到本來係去旺角午餐變左下午茶。。唯有係巴士站附近搵野食，但係入呢間cafe既原因，完全係因為被其中一個客人既柴犬所吸引入左去，menus都無睇過😅，都好，環境夠文青又舒服。落單時先發覺幫我地落單既係聾啞人仕，佢好努力推介邊種咖啡好飲，好欣賞佢既努力，更欣賞佢老闆無介意佢既缺憾請左佢，事後先知，原來佢係咖啡師。。佢d拉花，勁！Flavor Latte - Rose (原價$43，跟餐加$18)飲熱咖啡唔多唔少都因為有拉花，加上有d玫瑰花瓣，好靚！仲有淡淡玫瑰花香，唔錯！牛油果蟹肉沙律:好大碟，蟹肉都好多，雖然都知係罐頭蟹肉，但都有鮮甜味，牛油果略嫌生左d，爽的，還是喜歡食牛油質感既牛油果。其他沙律菜新鮮加上酸醋汁好開胃。黑松露雜菌意粉:雖然食肉獸既我無肉不歡，但呢個雜菌真係無得輸，有幾種菇係裏面，菇味濃，雖然黑松露味道唔算突出，但單係d雜菌我已經俾好高分。過左一個下午又避下雨，睇下狗仔，hea 下又一日，好滿足了。