Video
Read full review
2018-11-12
737 views
全條大街都係大排檔既場面相信係港島未必會搵到，但黎屯門何福堂輕鐵站附近你就會搵到一條全部係大排檔既街。 新金榮差唔多獨佔哂半條街有多既舖位，地面/上樓都有，人氣好勁。秋天涼涼地黎打邊爐/食雞煲/小菜絕對係唔錯選擇！今次周日晚上七點黎到，就已經要排15分鐘。如果可以，建議提早入座。今次主力想同大家介紹返個椰青皇雞煲！不瞞大家說，今次已經係我encore黎既第二次。______________________________🔸 椰青皇雞煲 (半隻) $228 / (一隻) $318由於上次同今次都係3-4人食，叫半隻都好夠，可以留返個肚食其他。你可以選擇另加火鍋配料，或者再叫小菜都可以。依個雞煲唔係惹味熱氣個黎，反而係潤喉養生。材料方面十分足料！個煲上菜既時候入面已經有好多雞腳、粟米、雲耳杞子、椰子、馬蹄等等，另外半隻雞係另上。建議未落雞之前可以試下就咁飲個湯，已經好清甜。當你一路煮既時候，雖然唔多唔少都會多左雞油，但你會feel到個湯越來越出味，粟米都會勁甜。如果食到咁上下唔夠湯，放心佢唔會加水沖淡左，你可以叫店員加湯。🔸 豉椒炒蜆 $68大排檔必叫之一！送酒一流！蜆肉又多又新鮮多，好夠
秋天涼涼地黎打邊爐/食雞煲/小菜絕對係唔錯選擇！今次周日晚上七點黎到，就已經要排15分鐘。如果可以，建議提早入座。今次主力想同大家介紹返個椰青皇雞煲！不瞞大家說，今次已經係我encore黎既第二次。
______________________________
🔸 椰青皇雞煲 (半隻) $228 / (一隻) $318
由於上次同今次都係3-4人食，叫半隻都好夠，可以留返個肚食其他。你可以選擇另加火鍋配料，或者再叫小菜都可以。
依個雞煲唔係惹味熱氣個黎，反而係潤喉養生。材料方面十分足料！個煲上菜既時候入面已經有好多雞腳、粟米、雲耳杞子、椰子、馬蹄等等，另外半隻雞係另上。建議未落雞之前可以試下就咁飲個湯，已經好清甜。當你一路煮既時候，雖然唔多唔少都會多左雞油，但你會feel到個湯越來越出味，粟米都會勁甜。如果食到咁上下唔夠湯，放心佢唔會加水沖淡左，你可以叫店員加湯。
🔸 豉椒炒蜆 $68大排檔必叫之一！送酒一流！
蜆肉又多又新鮮多，好夠鑊氣。
🔸 菠蘿咕嚕肉 $68
整咕嚕肉既步驟太多，大多時都唔會自己係屋企整。所以食親小炒都會叫。 依到既咕嚕肉夠大舊，皮夠脆，肉質唔硬。食得過！
．
by VIN
環境分數: 6/10
食物分數: 8.5/10
Post
