Video
Read full review
2022-05-17
321 views
終於都可以晚市堂食喇，今日就嚟試吓呢間台式麻辣火鍋先，佢哋有三個唔同價位選擇，唔同時段亦有唔同價錢。我哋揀咗最貴嘅《特上牛小排》$298一位，呢個價錢嘅食物選擇會多小小，而牛肉嘅質素亦都會靚啲。依家讚好社交平台可享九折優惠，即係三百蚊就有找喇，以佢哋嘅食物種類同質素嚟講，好值得再嚟食😋▪️湯底 一共有九款湯底選擇，我哋就揀咗秘製麻辣鍋同蕃茄豬骨鍋，兩個湯底都有驚喜，麻辣鍋又香又麻，小辣已經好夠辣，蕃茄鍋味道亦好濃郁，根本可以唔使點豉油，超讚。▪️QR Cord落單坐低後職員會拎張QR Code嘅單俾你掃，QR Code落單有豬、羊、牛多款肉類選擇。海鮮有沙白、青口、蝦、蠔、帆立貝等等。仲有多款魚滑、蝦滑、墨魚滑、鴨血、餃類等等。我哋仲點咗鯪魚肉釀油炸鬼同紅糖糍粑兩樣都好食，入口熱辣辣脆卜卜😋🔝特上牛小排唔錯，肉質軟腍。SPF美國牛比較嚡口，但牛味會濃郁小小。▪️自助區有醬料、火鍋配料、冷盤前菜、熱葷小食。火鍋配料有多款丸類選擇，蔬菜亦新鮮乾淨。麵類有出前一丁、刀削麵、壽桃麵。冷盤前菜有麻辣豬脷、醉雞翼尖、枝豆、水果等等。🔝其中有粒哈哈笑嘅丸好可愛，原來係鹹蛋流心丸嚟😆🔝熱葷有滷肉飯、辣酒煮花
我哋揀咗最貴嘅《特上牛小排》$298一位，呢個價錢嘅食物選擇會多小小，而牛肉嘅質素亦都會靚啲。依家讚好社交平台可享九折優惠，即係三百蚊就有找喇，以佢哋嘅食物種類同質素嚟講，好值得再嚟食😋
▪️湯底
一共有九款湯底選擇，我哋就揀咗秘製麻辣鍋同蕃茄豬骨鍋，兩個湯底都有驚喜，麻辣鍋又香又麻，小辣已經好夠辣，蕃茄鍋味道亦好濃郁，根本可以唔使點豉油，超讚。
▪️QR Cord落單
坐低後職員會拎張QR Code嘅單俾你掃，QR Code落單有豬、羊、牛多款肉類選擇。海鮮有沙白、青口、蝦、蠔、帆立貝等等。仲有多款魚滑、蝦滑、墨魚滑、鴨血、餃類等等。我哋仲點咗鯪魚肉釀油炸鬼同紅糖糍粑兩樣都好食，入口熱辣辣脆卜卜😋
🔝特上牛小排唔錯，肉質軟腍。
SPF美國牛比較嚡口，但牛味會濃郁小小。
▪️自助區
有醬料、火鍋配料、冷盤前菜、熱葷小食。
火鍋配料有多款丸類選擇，蔬菜亦新鮮乾淨。
麵類有出前一丁、刀削麵、壽桃麵。
冷盤前菜有麻辣豬脷、醉雞翼尖、枝豆、水果等等。
🔝其中有粒哈哈笑嘅丸好可愛，原來係鹹蛋流心丸嚟😆
🔝熱葷有滷肉飯、辣酒煮花螺同黃金炸芋圓，黃金炸芋圓咬開有芋泥同鹹蛋黃，幾好食😋
▪️甜品區
有甜品櫃、雪糕機、多款雪條選擇。
甜品櫃有12款甜品，有大福、蛋糕、杯裝奶凍、乳酪等。
雪糕機有抹茶同朱古力味揀，朱古力味好濃郁呀😍
雪糕櫃隔離仲有個迷你Candy Corner。
雪條都有好多選擇，有Mega、Ekselenc、榴槤雪條等等。
🔝我食咗Ekselenc開心果朱古力雪條，幾好食。
芝士蛋糕味道一般，朱古力大福同明月冰卷都唔錯。
▪️飲品區
飲品方面有冷泡茶、汽水、果汁等等。
酒類有梅酒、清酒、啤酒、黑啤、Apple Cider。
仲有一部熱飲機，有咖啡、美祿、紅綠茶。
🔝環境乾淨舒適。
Post
