Video
Read full review
2021-02-22
73 views
餐廳位於荃新天地2期UG樓，見佢啲生蠔呢輪做緊半價，最平十零蚊都有交易，今晚就過嚟試吓。餐廳環境濶落，座位舒適，仲有一位駐場歌手喺度自彈自唱經典英文歌，每晚六點至十點，佢唱唱下仲夾雜咗一兩手意大利文歌添，唔講真係以為去咗高級嘅意大利餐廳。法國海洋女神，海洋女神個仔不少，見到佢表面重盛載咗大量海水，即刻呷一口，海水味道濃郁，蠔肉飽滿，口感爽滑，果然係繼 gillardeau 之後嘅另一名牌生蠔。黑松露忌廉湯，忌廉湯用咗多款什菌磨碎而成，一入口野菌味係味蕾中爆發，味道極之濃郁，而且口感細緻，非常creamy。香草牛油焗田螺，焗田螺一擺上枱已經蒜香撲鼻，侍應特意提醒田螺連殼都可以食，細睇之下原來廚師張田螺起肉再放入一個田螺殼形狀嘅 waffle 入面，將整粒田螺放入口，係蒜蓉同埋 pesto sauce 嘅味道，貝殼鬆脆，螺肉嫩滑，原來貝殼係由威化所製成，成粒田螺一齊食，口感同味覺都相當豐富。牛油果青芥辣忌廉汁大蝦意粉，呢一個意粉係日式fusion， 喺牛油果醬入面加入咗少少Wasabi，有微微攻鼻嘅感覺，但係個辣度只係bb辣。牛油果忌廉汁creamy滑溜，大蝦爽口彈牙，整個意粉感覺和諧。焦
餐廳位於荃新天地2期UG樓，見佢啲生蠔呢輪做緊半價，最平十零蚊都有交易，今晚就過嚟試吓。
餐廳環境濶落，座位舒適，仲有一位駐場歌手喺度自彈自唱經典英文歌，每晚六點至十點，佢唱唱下仲夾雜咗一兩手意大利文歌添，唔講真係以為去咗高級嘅意大利餐廳。
法國海洋女神，海洋女神個仔不少，見到佢表面重盛載咗大量海水，即刻呷一口，海水味道濃郁，蠔肉飽滿，口感爽滑，果然係繼 gillardeau 之後嘅另一名牌生蠔。
黑松露忌廉湯，忌廉湯用咗多款什菌磨碎而成，一入口野菌味係味蕾中爆發，味道極之濃郁，而且口感細緻，非常creamy。
香草牛油焗田螺，焗田螺一擺上枱已經蒜香撲鼻，侍應特意提醒田螺連殼都可以食，細睇之下原來廚師張田螺起肉再放入一個田螺殼形狀嘅 waffle 入面，將整粒田螺放入口，係蒜蓉同埋 pesto sauce 嘅味道，貝殼鬆脆，螺肉嫩滑，原來貝殼係由威化所製成，成粒田螺一齊食，口感同味覺都相當豐富。
牛油果青芥辣忌廉汁大蝦意粉，呢一個意粉係日式fusion， 喺牛油果醬入面加入咗少少Wasabi，有微微攻鼻嘅感覺，但係個辣度只係bb辣。牛油果忌廉汁creamy滑溜，大蝦爽口彈牙，整個意粉感覺和諧。
焦糖蘋果黑毛豬，黑毛豬外皮焦脆，一嚟到就聞到好大陣蘋果嘅香甜味，用餐刀輕輕切開， 單憑落刀嘅手感都已經感覺到呢嚿黑毛豬有幾咁軟嫩，即刻急不及待放一舊入口，個軟嫩嘅程度同經過慢煮嘅豬鞍不相伯仲，坊間食黑毛豬多數會配以蘋果蓉，今次用一粒粒包住焦糖嘅蘋果配襯，整體感覺更加充實。
火焰雪山，呢個老牌甜品對於有一定歷練嘅朋友一定毫不陌生，上枱之前侍應會將烈酒淋上雪白嘅蛋白之上，再點起火焰。暖笠笠嘅蛋白霜配以內裏冰凍嘅咖啡雪糕，製造了冰火嘅口感，裏面嘅海綿蛋糕吸收咗咖啡酒嘅酒香， 整個甜品就好似人生一樣，苦中帶甜，甘苦與共。
題外話， 呢度除咗食物質素高之外，侍應相當有禮貌而且笑容滿面，真係隔住個口罩都聽到佢笑得好親切，服務態度一流，令人相當滿意。
Post
