粉果佬 (Closed)

咁啱响附近返工。又見到有報導話日賣1萬粒咁犀利,即管試下。尋日買唔到粉果(放工時間都好多人）。今日唔順氣再去買。又賣淨得返一粒。由8點50分排到9點15分。眼見得一個人包嘢食連收錢。條龍又長。真係想中途走。但又唔忿氣。燒賣10蚊5粒，唔平。但就大大粒。粉果又話爆餡。唔知係咪姐姐包時趕時間。我食個粒係偏少餡。皮係香嘅唔係一般出面食嗰啲。但就厚咗些小。另外有咖喱魚旦，碗仔翅同生菜魚肉。行過路過唔多人可以試下。多人就免啦！