☺️牛肩排 180g $85
枱面上仲有黑椒同鹽嗰啲俾你自己落， 呢塊扒都算有啲厚度，唔會放一陣就well done，啱啱切開入邊啱啱好medium rare，但要注意，一切開就好快變medium。佢嘅口感比較有咬口，有少少牛筋，肉味都幾濃，點埋舖頭自家製燒肉汁就已經好好食😆
😋黑豚腩片 $90
呢個醃得好好味，連啲配菜都好入味，連醬都可以唔駛點太多。而D腩片都夠薄，所以完全唔會好嚡好韌，腩片嘅肥膏又夠，塊塊都好大塊，仲要有成4-5片，都算幾抵。
☺️日式牛肉湯 $0
☺️椰菜沙律 $0
🙂珍珠米 $0
以上都係任斟任裝任飲任食的，牛肉湯飲落有啲似屋企自己煲蕃茄薯仔紅蘿蔔湯嘅味道，飲到有種鮮甜味，個湯有好多蔬菜，亦都真係有律肉嘅。椰菜沙律就有胡麻醬同柚子沙拉汁，直頭可以當飯食，又可以減少罪惡感。去到最後仲有珍珠米配牛肉湯呢個秘密食法，都好唔錯㗎🤫
‼️最最重要‼️記得拎圍裙
