峇峇娘惹 (淘大商場2期) (Closed)

我鍾意食泰國菜，但好少食香港嘅馬來西亞菜。第一次試呢間，印象都唔錯。我今次叫外賣，由落單到送到，大概八個字。食物送來仲熱騰騰，保持水準叫咗幾樣野試吓，海南雞飯大家一致讚好，主要係啲雞夠入味，雞肉唔會「霉」，有嚼勁，不過雞油飯雞油味唔夠香，味道一般。雞雖然入味，不過海南雞飯始終要配醬汁，佢冇送醬汁，唔知係本身唔提供定係真係唔記得附送，感覺吾圓滿。而且海南雞飯配菜係雜豆，都覺得唔夠誠意。又叫咗兩碗香煎豬扒摻摻叻沙，豬扒夠厚，夠香口，係煎得有啲乾，個喇沙湯底同啲面幾好食。好多網友讚個燒肉好脆皮，好好食，叫咗一份試，啲皮好韌，吾脆，燒肉肉質好硬，唔係咁好食。小食試咗煎蝦餅，香脆彈牙，一致讚好。不得不提係個薄餅配咖喱汁，咖喱夠香辣，令人食唔停口。每個餐都送一杯桔仔水，絕不吝嗇，吉仔水夠晒味，開胃醒神，最啱夏天飲。