東大門韓國料理 (Closed)

今次同FD子出黎食野揀左食韓燒，揀左之前未黎過既東大門。訂左1900既位，一黎到餐廳發覺環境都唔錯，坐落幾舒服又開揚，只系環境有少少熱。同食開個間唔同，依到系用紙去落單而飲品同其他熟食先系自助既。本來都唔系咩大問題，但系送黎既食物分量太少，而且好多肉食都欠缺調味，味道一般，欠驚喜。另外食物種類同其他韓燒相比亦都太少，實在有點不盡人意。可惜既系有D甜品同壽司都未黎得切試就要走，希望下次黎可以見到質素高D既表現啦。