Season Plus

Open Now

Now Closed

今日同一班朋友去咗尖沙咀度玩 大家都一袋二袋滿載而歸 玩到攰就梗係去一間有情調嘅餐廳慢慢坐下啦 見到呢間season plus價錢好似幾大眾化 但係裝修又靚 最啱慢慢坐 咁就一於入去食飯啦意式巴馬火腿沙律 巴馬火腿唔太鹹 有肉味同埋有少少果實嘅味道 口感煙韌 配上淋咗黑醋汁嘅新鮮沙律菜 又開胃 簡直係絕配香煎鱸魚 鱸魚煎得個皮好脆 魚肉好嫩 而且有少少魚油 食落令人精神一振 食指大動海鮮西班牙燴飯 呢個飯唔好睇佢只係百幾蚊 但分量非常之多 海鮮有蜆 蝦仁等等 用料豐富 而且每一粒飯都沾滿咗汁 米粒原本已經有啲煙韌嘅感覺 簡直就係人生食過最好食嘅飯燒海鮮拼盤 有海蝦 扇貝 翡翠螺 龍蝦 食落非常之豪華 因為龍蝦都係開邊嘅 而且龍蝦頭亦都有好多膏 只係龍蝦肉燒得略嫌少少乾咗啲 而燒扇貝亦都有焦香嘅感覺 翡翠螺同出面差唔多 而燒海蝦都幾好食